Şağan 1 sakinləri İlham Əliyevdən imdad diləyir – FOTOLAR

  • Bölmə: Cəmiyyət  
  • Tarix: 15 yan 2020 [22:05]

Xəzər rayon, Şağan 1 Təzə Sahə Massivinin sakinləri ölkə Prezidenti İlham Əliyevdən kömək istəyir. Bizimxeber.az-a danışan massiv sakinləri yolların keçilməz olduğunu, zibil qutularının olmaması və bu əraziyə heç bir rəsmi qurumun nəzarət etmədiyini bildiriblər.


Sakinlər deyir ki, uzun illərdir bu küçələr bərbad vəziyyətdədir və aidiyyatı qurumlara edilən müraciətlər heç bir nəticə vermir: “Artıq vəziyyət dözülməz həddə çatıb. Uşaqlar məktəbə, bağçaya gedə bilmirlər. Rayon icra başçısı, Bələdiyyə sədri və kənd icra nümayəndəliyi ümumiyyətlə, bu ərazini görməzdən gəlir. Sözümü deməyə adam tapa bilmirik”.


Massiv sakinləri onu da bildirib ki, küçəni dəfələrlə öz vəsaitləri hesabına düzəlməyə cəhd ediblər: “Hər il qonşular pul yığıb küçəni qismən düzəldirik. Amma yağışlar yağan kimi küçə bərbad hala düşür.”
Ən acınacaqlı hal budur ki, hansı quruma müraciət edilsə cavabları olduqca aqressiv olur. Təsəvvür edin ki, Xəzər rayon icra başçısının Ərazi İdarəetmə və yerli özünüidarəetmə orqanları ilə iş şöbəsinin müdiri Əfsər Mirzəliyevin cavabı bilirsiz nədir? – “Məktub yazın cavab verək”. Bu şöbə müdirinin danışıq tonundan aydın bəlli olur ki, ərazinin bu vəziyyətdə olması onları qətiyyən narahat etmir.  Bu kimi məmurlar sadəcə özlərini və ciblərini fikirləşirlər. Belə vəzifə sahibləri üçün “düzələcək” deyib insanları yola salmaq adi hala çevirilib.


ƏRAZİ  İDARƏETMƏ VƏ YERLİ ÖZÜNÜIDARƏETMƏ ORQANLARI ILƏ İŞ ŞÖBƏSİ


MİRZƏLİYEV ƏFSƏR XASAY OĞLU şöbə müdiri 454-77-12

 

Massiv sakinləri problemin aradan qaldırılması üçün Prezident İlham Əliyevdən kömək istəyir.

 

Yaxın günlərdə Xəzər rayon, Şağan 1 Təzə Sahə Massivinin sakinləri adından ölkə Prezidenti İlham Əliyevə müraciət ünvanlanacaq…

 

 

 


Загрузка...


Oxunub: 10230 dəfə