Bakıda bank işçisi koronavirusa yoluxdu - Filial bağlandı

  • Bölmə: Cəmiyyət  
  • Tarix: 23 iyn 2020 [11:02]

“Azər Türk Bank”ın Yasamal filialı müvəqqəti olaraq fəaliyyətini dayandırıb.


Bizimxeber.az “modern.az”a istinadən xəbər verir ki, filial cümə günündən etibarən fəaliyyətini müvəqqəti dayandırıb. Bankın iyunun 24-dən etibarən fəaliyyətini bərpa edəcəyi bildirilib.
Məsələ ilə bağlı “Azər Türk Bank”ın mətbuat katibi Rauf Ağayev Modern.az-ın sorğusuna cavab olaraq faktı təsdiqləyib.


R.Ağayev qeyd edib ki, “Azər Türk Bank”ın Yasamal filialının məzuniyyətdə olan bir əməkdaşı COVID-19 virusuna yoluxub:


“Bununla əlaqədar olaraq bank rəhbərliyi tərəfindən filialın bütün əməkdaşlarının müayinəsinin təşkili həyata keçirilib. Filialın yerləşdiyi binada mütəxəssislər dezinfeksiya işlərini yerinə yetirib. Hazırda həmin filialın müştərilərinə Baş ofisdə və digər filiallarda xidmət olunur”.


Onun sözlərinə görə, Yasamal filialı sabah - 24 iyun tarixindən etibarən yeni tərkibdə fəaliyyətini davam etdirəcək.


Загрузка...


Oxunub: 37950 dəfə